Umubare w’Abagatulika ku isi ukomeje kurenga Miliyari
Abakilisitu Gatulika bo mu Rwanda
Idosiye ngarukamwaka yashyizwe ahagaragara na Kiliziya Gatulika ku isi, mu rwego rwo kwizihiza umunsi mpuzamahanga w’iyogezabutumwa yerekanye umubare w’Abanyagatulika wiyongereyeho miliyoni 13.7 kuva umwaka ushize.
Umubare w’abadiyakoni bahoraho n’abamisiyoneri b’abalayiki nawo wariyongereye. Ubushakashatsi buheruka gukorwa bwagaragaje ko abadiyakoni bahoraho ku isi bakomeje kwiyongera, aho imibare igaragaza ko biyongereyeho +974, mu gihe bari basanzwe barenga 50.000. Ubwiyongere buri muri Afurika, Aziya ndetse no mu Burayi, mu gihe hari igabanuka muri Amerika na Oseyaniya.
Umubare w’abamisiyonari b’abalayiki nawo wariyongereye, ugera kuri 413,286. Ku isi hose hiyongereyeho abarenga 2.800, cyane cyane muri Amerika. Ku rundi ruhande, habayeho igabanuka ku mubare w’Abakateshisite gusa nabo kugeza ubu barenga miliyoni 2,800,000.
Imibare yose ikusanyijwe, yerekana ko kugeza ubu ku isi hose habarizwa Miliyari 1 na miliyoni 389 z’Abagatulika.
Ubwiyongere bw’Abagatulika bugaragara cyane muri Afurika aho biyongereyeho miliyoni 7, muri Amerika, hiyongereyeho miliyoni 6 mu gihe i Burayi hari igabanuka.
Umubare w’abapadiri ni 407,730 (wagabanutseho 142 kuva umwaka ushize). Kugabanuka guhoraho, na none, kugaragara mu Burayi (-2,745 abapadiri), mu gihe kwiyongera gukomeye kugaragara muri Afurika (+1,676) no muri Aziya (+1,160).
Umubare w’abaseminari bakuru ni 108.000, kwiyongera kwabo kukaba kugaragara muri Afurika (+726) na Oceania (+12), mu gihe Amerika bagabanutse (-921), Aziya (-375) no mu Burayi (-859). Ku rundi ruhande, abaseminari bato, barenga 95.000, hamwe no kwiyongera cyane muri Afurika (+1,065).
