RRA Ikomeje kwitwara neza mu mikino nyafurika y’abakozi
Ikipe ya RRA Volleyball mu bagore yageze ku mukino wanyuma mu mikino nyafurika y’abakozi irikubera I Dakar muri Senegal kuva kuwa kane taliki 19/12/2024. Ni nyuma yo gutsinda ikipe y’ikigo cy’itumanaho cyo muri Gambia GAMTEl-GAMCELL amaseti 3-0.
Iyi nsinzi ije ikurikirwa n’iyo RRA yatsinzemo ikipe y’umujyi wa Dakar ASVD amaseti 3-0 kuwagatanu taliki 18 Ukuboza 2024 I Dakar.
Ikipe y’Abagore ya RRA izagaruka mu kibuga ku cyumweru taliki 22/12/2024 kuri Stade LECRERC saa 11h30 za mugitondo aho izacakirana na ASFA (Association Sportive des Forces Armées du Senegal). RRA izaba ihatanira kwisubiza igikombe yatwaye muri 2023 I Banjul muri Gambia.
Imikino nyafurika y’abakozi itegurwa buri mwaka igahuza amakipe y’ibigo bitandukanye byatwaye ibikombe mu mikino y’abakozi ihuza ibigo muri buri gihugu. Uyu mwaka u Rwanda ruhagarariwe muri volleyball na RRA mu bagore, WASAC n’Ikigo gishinzwe abinjira n’abasohoka(DGIE) mu bagabo. Mu mu pira w’amaguru ruhagarariwe na DGIE na RMS naho muri Basketball ruhagarariwe n’ikipe z’abagore za REG na CHUB.
RRA yatsinze GAMETEL-GAMCELL yo muri Gambia igera ku mukino wa nyuma
